გალერეა 2024

2024 წლის ხელოვნების ბანაკის მონაწილეებმა დასკვნითი ღონისძიებისათვის ძალიან საინტერესო პროგრამა მოამზადეს. წლების განმავლობაში ტრადიციად გამხდარი ფოტოხელოვნების ვორქშოფის პარალელურად, წელს ფესტვალმა ბავშვებსა და მოზარდებს ორი ახალი, წინა წლებისაგან სრულიად განსხვავებული კურსი შესთავაზა: არქიტექტურა და ელექტრონული მუსიკა. მონაწილეთა და მშობლების გაოცება ძალიან დიდი იყო, ვინაიდან არავის შეეძლო წარმოდგენა, როგორ შეიძლებოდა ასეთი შინაარსის კურსები ჩატარებულიყო. მაგალითად. რას ნიშნავდა საერთოდ ელექტრონული მუსიკა და როგორ შეუძლიათ ბავშვებმა ასეთ მოკლე ხანში, სულ რამდენიმე დღეში პროგრამა მოამზადონ, რომელსაც თვითონ შეასრულებენ მაყურებლის წინაშე. მაგრამ კურსის ხელმძღვანებლების დიდი პროფესიონალიზმისა და შემოქმედებითი ნიჭის წყალობით, მონაწილეები პირველივე საათებიდან ღრმად ჩართულები იყვნენ მუშაობაში და თავისი ნიჭისა და ღრმა ინტერესით ამ სფეროებში თავიანთი თავიებს გამოცდის მოტივაციით, მთლიანად იყვნენ ჩართულები მათთვის ახალ და საიინტერესო პროცესებში. შედეგიც სახეზე იყო… პირველივე შესვენების შემდეგ რამდენიმე მონაწილემ თავისი მეგობარი და და-ძმა მოიყვანა უკვე დაწყებულ კურსებზე თხოვნით, რომ დამატებითი მონაწილეები აგვეყვანა. გამონაკლისის გაკეთებაც კი მოგვიწია, როდესაც მონაწილეების წლოვანება 6 წლის ქვემოთ დავწიეთ. მეორე დღეს გვესტუმრა მშობელი, რომელსაც დიდი სურვილი ქონდა ფესტივალის პედაგოგებისათვის მადლობა გადაეხადა: “ასეთი რამ ჯერ არ მომხდარა. ჩემი ორივე შვილი დარეგისტრირდა ფესტივალზე და საღამოს, რამდენიმე საათის განმავლობაში უზიარებნენ ერთამეთს იმ გამოცდილებას, რომელიც დღეს ფესტივალზე მიიღეს. ერთი სული ჰქონდათ, როდის გათენდებოდა მეორე დღე, რომ ისევ ხელოვნების ბანაკში წამოსულიყვნენ“.

ფესტივალის კულმინაცია ძალიან ემოციური დამშვიდობება იყო დიპლომების გადაცემის შემდეგ.

ყოველ ჯერზე უფრო და უფრო გვიმძიმს ბავშვებთან იმის კომუნიკაცია, რომ მომავალ წელს ხელოვნების ბანაკი საქართველოს სხვა რეგიონში ჩატარდება…

მადლობას ვუხდით ამბროლაურის მუნისიპალიტეტსა და ამროლაურის დავით თორაძის სახელობის ხელოვნების სკოლას თანამშრომლობისთვის. განსაკუთრებული მადლობა ფესტივალის ყველა მონაწილეს რაჭაში ამ დაუვიწყარი დღეებისათვის!

დიდი მადლობა ყველას, ვინც ინტერესს გამოხატავს ჩვენი ხელოვნების ბანაკის მიმართ!

განსაკუთრებული მადლობა ყველა იმ ადამიანს, რომელთა ფინანსური დახმარებისა და პროფესიული ჩართულობის გარეშე ფესტივალის არსებობა შეუძლებელია!

#1 არიტექტურა
#2 ფოტოგრაფია
#3 ელექტრონული მუსიკა

გალერეა 2023

ფესტივალის გუნდის სახელით, მინდა 2023 წლის ფესტივალის ყველა მონაწილეს უღრმესი მადლობა გადავუხადო. 2023 წლის ფესტივალის პედაგოგები ერთსულოვნად აღნიშნავენ საქართველოში მცხოვრებ ბავშვებისა და ახალგაზრდების ნიჭსა და მიზანდასახულობასა, თავიანთი კუთხისადმი განსაკუთრებულ დამოკიდებულობას, ნიჭსა და შინაგან სიმტკიცეს. საქართველოში მცხოვრები ბავშვები და ახალგაზრდა თაობა გამორჩეულია. ამიტომ, ყოველი ფესტივალი ჩვენთვის განსაკუთრებულ კვალს ტოვებს.

ქვეყანამ, რომელსაც ასეთი თაობა ეზრდება, შეუძლია იამაყოს თავისი მომავლით!

ჩვენი ფესტივალის არამომგებიანია და მისი არსებობა შესაძლებელია მხოლოდ იმიტომ, რომ ფესტივალის მთელი გუნდი ამ პროექტზე უსასყიდლოდ მუშაობს და აგრეთვე იმ მეგობრების დამსახურებით, რომლებიც თავის შემოწირულობებით ფესტივალის ეხმარებიან. მადლობა ყველა ამ ადამიანს!

მადლობა ჩვენს წლევანდელ პარტნიორებს ლაგოდეხში: ჩემი ევროპული სკოლა და განსაკუთრებული მადლობა სკოლის პედაგოგს ნატო ჯავახიას, რომელმაც აქტიურად შეუწყო ხელი ჩვენს წლევანდელ ფესტივალს!

#1 ფოტოკურსი
#2 სამსახიობო ხელოვნება
#3 ბგერის პერფორმანსი

გალერეა 2022

ფესტივალის გუნდის სახელით, მინდა ყველა მონაწილეს უღრმესი მადლობა გადავუხადო. ჩვენთვის ყოველი ფესტივალი გამორჩეულია. ამის მიზეზი კი საქართველოს რეგიონებში მცხოვრები ბავშვების და ახალგაზრდა თაობის გამორჩეულობაა. წლევანდელი ფესტივალის პედაგოგები ერთსულოვნად აღნიშნავენ ამ ახალგაზრდების ნიჭს, განსაკუთრებულ დამოკიდებულობას თავიანთი კუთხის და ბუნების მიმართ, მიზანდასახულობასა და შინაგან სიმტკიცეს. ქვეყანამ, რომელსაც ასეთი თაობა ეზრდება, შეუძლია იამაყოს თავისი მომავლით!

ჩვენი ფესტივალის არსებობა შესაძლებელია მხოლოდ იმიტომ, რომ ფესტივალის მთელი გუნდი უსასყიდლოდ მუშაობს ფესტივალის მსვლელობის დროს. მადლობა ყველა ამ ადამიანს!

#1 – ფოტოკურსი

აგრეთვე დიდი მადლობა მინდა გადავუხადო ყველა იმ ადამიანს, რომლებმაც შემოწირულობებით შესაძლებელი გახადეს ფესტივალის ჩატარება!

მადლობა ჩვენს წლევანდელ პარტნიორებს ბარისახოში: ბარისახოს სკოლასა და იმ კერძო პირებს, რომლებმაც აქტიურად შეუწყვეს ხელი ჩვენს წლევანდელ ფესტივალს!

#2 – მინი სპექტაკლი

#3 –სამსახიობო ხელოვნება და ბგერის პერფორმანსი

Art-Camp 2021

CORONA-BREAK

Art-Camp 2020

CORONA-BREAK

გალერეა 2019

მესამე საერთაშორისო “ხელოვნების ბანაკის“ დასკვნითი ღონისძიების პირველი ნაწილი წარმატებით გაიმართა გუშინ, 26 აგვისტოს, ვერხვების ლტოლვილთა დასახლებაში, რომელშიც ყველა რეგისტრირებულმა ბავშმა და მოზარდ ახალგაზრდამ მიიღო მონაწილეობა.
მაყურებელს ოთხივე ვორქშოფის ჯგუფმა წარუდგინა მომზადებული ნომრები, რის შემდეგაც ყველა მონაწილეს საპატიო დიპლომები გადაეცა.
ფესტივალს ძალიან კარგი გამოხმაურება მოყვა, თუმცა ბავშვების მხრიდან კრიტიკაც იყო გამოთქმული – “ცუდია, რომ ფესტივალი ასე ჩქარა დასრულდა!გვინდა, რომ სულ გაგრძელდეს!“

ეს ჩვენთვის ძალიან დიდი წარმატებაა!

მედია

#1 – სამსახიობო ხელოვნება

#3 –საუნდ ფეინთინგი

#2 – ბგერის
პერფორმანსი

დასრულება

29 აგვისტოს ჩვენი საქველმოქმედო პროექტი მონაწილეების უფლისციხის მუზეუმის და თბილისის სახელმწიფო ოპერისა და ბალეტის თეატრის სტუმრობით დასრულდა. წარმატებული პროექტის პოზიტიურ ემოციებს, დასრულების სევდაც გაერია…
2019 წლის “ხელოვნების ბანაკის“ წარმატება მინდა ყველა მონაწილეს მიულოცო. თანამშრომლობისთვის მადლობა ყველას, ვინც ჩვენ ფესტივალის ჩატარებას ხელი შეუწყო!!!

გალერეა 2018

ხელოვნების ბანაკი ჭიათურაში 26 გვისტოს მონაწილეების დიპლომებით დაჯილდოებით დასრულდა.

2018 წლის ფესტივალი განსხვავდებოდა 2017 წლის დუშეთში ჩატარებული ფესტივალისგან. ცენტრ ჯეჯილთან თანამშრომლობამ მოგვცა საშუალება, პირდაპირ შევხებოდით იმ ბავშვების სამყაროს, რომლებსაც წილად ხვდათ დაობლება ან სოციალურად დაუცველ გარემოში ცხოვრება. მათი სამყაროს უკეთესად გამოჩენის მიზნით, დასკვნითი ჩვენება შინაარსობრივად მთლიანად აგებული იყო მონაწილეების მიერ შემოთავაზებულ თემებზე. მონაწილეებს ევალებოდათ იმ თემების გაჟღერება, რომლებიც მათთვის დღეისათვის აქტუალურია. ემოციების დამალვა ძალიან რთული იყო, როდესაც დასკვნითი ჩვენების დროს ორი მთავარი თემა გამოიკვეთა:

ქალაქ ჭიათურის პრობლემები და ბავშვების ძალიან დიდი სიყვარული მშობლიური ქალაქის მიმართ.

ფესტივალის გუნდისთვის ჭიათურაში გატარებული დღეები დაუვიწყარია!

მედიაპარტნიორი იმერვიზია

#1 – სამსახიობო ხელოვნება

#3 – საუნდფეინტინგი

ექსკურსია თბილისში
ოპერა

#2 – ფოტოგრაფია

შემაჯამებელი ივენთი

ფესტივალის დასრულების შემდეგ, მონაწილეები დაჯილდოვდნენ ექსკურსიით თბილისში. მათ მიეცათ საშუალება გაცნობოდნენ თბილისის ოპერისა და ბალეტის თეატრის ისტორიას და მუზეუმს. აგრეთვე ეწვივნენ მოზარდი ახალგაზრდობის ეროვნულ სასახლეს. ეს ექსკურსია შესაძლებელი გახდა 2018 წელს გერმანიაში, ქალაქ ფრაიბურგში კომუნალურ კინოში ჩატარებულ კონცერტზე შემოსული შემოწირული თანხის საფუძველზე.